A Sala Capitular é a estancia na que se reunía habitualmente o Cabildo Catedralicio, o conxunto de presbíteros encargado de coidar o culto na catedral e que velaban polo bo estado do edificio. A sala está presidida por un magnífico Cristo en marfil. Trátase dunha obra hispano-filipina do século XVII.

O muro lateral decórase con lenzos do século XVIII. Representan o misterio da Asunción e algúns apóstolos. Estes forman parte dunha colección dun antigo apostolado conservado nos fondos do museo.

A razón desta decoración, xunto a algúns retratos episcopais de bispos que presidiron a sede mindoniense, é que algunhas dioceses peninsulares buscaron, desde tempo antigo, unha vinculación directa coa sucesión apostólica unida a Santo Pablo, ao apóstolo Santiago ou a calquera dos chamados Homes Apostólicos. Desta maneira exprésase a sucesión apostólica que se dá na nosa igrexa de Mondoñedo-Ferrol desde o s. VI. Entre estes retratos destaca o do bispo Mesía de Tovar, axeonllado ante San Rosendo. Formaba parte, xunto co cordobán, do antigo relicario do trascoro.